Nagkaroon ng maagang pagdiriwang ng kanyang 57th birthday sa Senado si Sen. Leila de Lima.
At bago ang kanyang emosyonal na press conference, naoobliga si de Lima na hipan ang mga kandila sa kanyang dalawang birthday cakes.
Matapos nito at sa pagtatanong ng mga mamamahayag ay sinabi ni de lima na dalawa ang kanyang birthday wishes.
Una aniya ay sana ay tigilan na siya ni Pangulong Rodrigo Duterte sa kung ano anong mga alegasyon.
Giit ng mambabatas, pati na ang kanyang personal na buhay ay nakakaladkad na rin at apektado na ang kanyang mga mahal sa buhay.
Ang pangalawang kahilingan ng senadora ay sana ay magkaroon na siya ng lovelife.
Dagdag pa ni de Lima na gusto naman niya na magkaroon ng partner o katuwang sa pagharap sa mga isyu na kinahaharap niya ngayon.
Sa sabado pa ang mismong petsa ng kapanganakan ni de lima.
Post a Comment